Një 12 vjeçar nga Skenderaj ka gjetur një portofol, në të gjeti ishin 2 mijë 500 euro, parat i ka dorëzuar në Policinë e Kosovës.
Për rastin ka njoftuar Policia teksa e ka cilësuar si shembull të mirë veprimin e 12 vjeçarit, madje edhe ia kanë publikuar fotografinë.
Para tashmë ia janë dorëzuar personit që i përkisnin.
Njoftimi:
Veprimi shembull i dymbëdhjetëvjeçarit në Skenderaj ka bërë të mundshëm që portofoli me para ti kthehet pronarit
Skenderaj, 06 Gusht 2024
Shembull i mirë i qytetarit dymbëdhjetëvjeçar B.A nga Skenderaj, i cili dje në orët e mbrëmjes kishte gjetur një portofol, të cilin menjëherë e kishte dorëzuar në Stacionin Policor në Skenderaj.
Policia ka verifikuar dokumentacionin në portofol dhe ka konstatuar se përpos dokumentacioneve të rëndësishme, në portofol gjendej një shumë e parave prej 2500 euro. Policia ka identifikuar dhe verifikuar personin të cilit i përkiste portofoli dhe i kishte kthyer atij portofolin me paratë dhe dokumentacionin
Drejtoria Rajonale e Policisë në Mitrovicën e Jugut, falënderon qytetarët për besimin dhe veprimet e ndërgjegjshme.