Gazetari Valon Syla ka falënderuar Policinë e Kosovës dhe mediat pas aktgjykimit dënues ndaj tre personave të akuzuar për sulmin ndaj tij.
“Dy vjet për sulmuesit fanatikë islamikë. Për këtë rast e kisha falënderu së pari Policinë e Kosovës që ka reagu shumë shpejt në identifikimin dhe kapjen e tyre dhe kolegët e mi e krejt mediat që më kanë mbështetë”.
Aktgjykimi ndaj tre të akuzuarve u shpall të enjten, shkruan gazeta on-line Reporteri.web.
Tre të akuzuarit Lum Dërvishi, Kenan Hasani dhe Okan Hasani dënohen me nga dy vite burgim (secili veç e veç), pasi janë fajtorë se në bashkëkryerje kanë kryer veprën penale “Lëndim i lehtë trupor”.
Të njëjtëve, në dënimin me burgim do t’iu llogaritet edhe koha e kaluar nën masën e paraburgimit dhe arrestit shtëpiak prej 14 prill deri më 7 dhjetor 2023.