Një tjetër sondazh i bërë pjesërisht pasi Joe Biden pezulloi fushatën e tij për t’u rizgjedhur ka gjetur një garë të barabartë mes Kamala Harris dhe Donald Trump, shkruan The Guardian.
Universiteti Quinnipiac raporton se 49% e votuesve të regjistruar në nivel kombëtar e mbështesin Trumpin dhe 47% e mbështesin Harrisin – në thelb një barazim, pasi gjetja është brenda marzhës së gabimit. Sondazhi u krye nga e premtja e javës së kaluar deri të dielën.
Analisti i sondazheve të Universitetit Quinnipiac, Tim Malloy thotë: “Rivendosja dramatike në krye të Demokratëve bën pak për ta lëvizur garën pasi zëvendëspresidentja Harris hyn me numra të ngjashëm me presidentin Biden”.
Ndoshta gjetja më e madhe e sondazhit është se të pavarurit e preferojnë Trumpin në përgjithësi, shkruan Guardian. Ai ka 55% mbështetje nga grupi kritik, krahasuar me 41% që janë për Harris.