Ermonela Jaho vijon të na bëjë krenarë! Rishtazi, talenti i saj i jashtëzakonshëm është vlerësuar në Madrid të Spanjës, ku Ermonela ka marrë edhe çmimin si “Artistja më e Mirë e Huaj”, për kontributin e saj në Lirikë dhe Kulturë në Spanjë.
Ajo interpretoi operën fantastike “Sour Angélica” nga Puccini në Gran Teatre del Liceu dhe rrëmbeu të gjitha duartrokitjet e merituara. Ermonela Jaho është një ndër talentet më të njohura shqiptare në botë. Ajo, falë përkushtimit dhe talentit të saj, është kthyer në një ndër artistet më të vlerësuara në operat ku ka performuar.
“Dua të falënderoj jurinë dhe publikun spanjoll për vlerësimin. Ndihem e privilegjuar për dashurinë që Spanja më ka dhënë dhe më jep vazhdimisht. Shpresoj që puna ime të frymëzojë një brez të ri i cili do të vazhdojë ta përmirësojë botën me artin e vet. Rroftë muzika, rroftë arti, rrofshin artistet”, ka shkruar sopranoja Ermonela Jaho, laureate e çmimit “Artistja më e mirë ndërkombëtare” në “Ópera XXI Awards” të Spanjës
Sopranoja e njohur shqiptare, Ermonela Jaho, ka sjellë elegancë dhe emocion në teatrin “Teatro de la Zarzuela” në Madrid, që ishte nikoqir i edicionit të gjashtë të ceremonisë “Ópera XXI Awards”, e cila nderon më të mirët në skenën operistike në Spanjë.
Jaho, të martën mbrëma, u vlerësua me çmimin “Artistja më e mirë ndërkombëtare”, për kontributin e saj të jashtëzakonshëm. Me të dalë në skenë, sopranoja Jaho u shpreh falënderuese për ngrohtësinë që i jepet sa herë performon në Spanjë.
“Një kënaqësi e veçantë që të zgjidhem ‘Artistja më e mirë ndërkombëtare’ nga ‘Opera XXI’, dhe të pranoj këtë çmim në teatrin ‘Zarzuela’ të Madridit mbrëmjen e kaluar. Dua të falënderoj jurinë dhe publikun spanjoll për vlerësimin. Ndihem e privilegjuar për dashurinë që Spanja më ka dhënë dhe më jep vazhdimisht. Shpresoj që puna ime të frymëzojë një brez të ri i cili do të vazhdojë ta përmirësojë botën me artin e vet. Rroftë muzika, rroftë arti, rrofshin artistet”, ka shkruar sopranoja shqiptare në një postim të fundit në Facebook.
Jaho po ashtu e mahniti dhe emocionoi publikun në sallë duke interpretuar, “Senza mamma”, nga opera “Suor Angelica” e Puccinit, shoqëruar në piano nga Ramón Grau.
Juria e këtij edicioni përbëhej nga kritikë të muzikës dhe gazetarë që punojnë brenda dhe jashtë Spanjës si: Fernando Sans Rivière, Pablo Meléndez, Javier Pérez Senz, Maricel Chavarría, Alejandro Martínez Rodríguez, Ana Vega Toscano, Mariela Rubio, Richard Césarca Martet, Gonzalo Alonso, Justo Romero, Victora Stapells dhe Juan Antonio Muñoz.
Edicioni i gjashtë i ceremonisë “Ópera XXI”, që feston skenën lirike në Spanjë, bashkoi në një vend përfaqësues të shquar të botës operistike. Ngjarja e drejtuar nga Bárbara Lluch, filloi me ndarjen e çmimit për artisten ndërkombëtare për të vazhduar tutje me 18 shpërblime të tjera dhe tri çmime nderi.
“Çmimin për këngëtarin më të mirë” e mori Juan Jesús Rodríguez, i cili zgjodhi të hiqte dorë nga çmimi i tij pasi mbajti një fjalim për mungesën e pranisë kombëtare në listat lirike të vendit dhe peshën e madhe të agjencive artistike në përpilimin e sezoneve të koncerteve.
Joan Pons u nderua për përkushtimin dhe karrierën e tij duke marrë “Çmimin për arritje jetësore”. Në skenë atë e pranoi e bija e Ponsit. U ndanë gjithashtu çmime për, Ángeles Blancas, e cila u vlerësua si “Këngëtarja më e mirë” dhe Serena Sáenz si “Këngëtarja më e mirë e re”, e cila gjithashtu ishte në mesin e performuesve të mbrëmjes duke interpretuar arian “Regnava nel silenzio” nga opera “Lucia de Lammermoor” e Gaetano Donizettit.
Homazhi emocionues për artistët e ndjerë u shoqërua me valsin sentimental të Enrique Granados, interpretuar nga pianisti Ramón Grau.
Isamay Benavente, presidente aktuale e shoqatës “Ópera XXI”, theksoi rëndësinë e bashkëpunimit dhe sfidat me të cilat përballet ky sektor. “Asociacioni ynë angazhohet për të ndarë ide, për të kërkuar zgjidhje më të mira për teatrot, për aktivitetin tonë, për të përmirësuar anën menaxhuese, për të promovuar kurse, dhe përfundimisht për të shkëmbyer njohuri. Jemi të përfshirë në disa beteja: përmirësimi i taksimit, puna për qëndrueshmërinë në hapësirat tona, promovimi i ndryshimeve që lehtësojnë punësimin dhe promovimin e këtyre shpërblimeve, të cilat duam të jenë gjithnjë e më gjithëpërfshirëse në të gjithë sektorët”, ka thënë Benavente.
“Çmimi i trashëgimisë lirike spanjolle” për iniciativën, interpretimin, drejtimin ose prodhimin më të mirë të repertorit lirik spanjoll, shkoi për operën “San Franco de Sena” nga Emilio Arrieta. Në skenë çmimin e pranoi menaxheri i fondacionit “Baluarte”, Rubén Jauquicoa.
“Çmimi për krijimin e ri lirik dhe kontemporan” shkoi për shfaqjen operistike “Orgia” të kompozuar nga Hèctor Parra, një bashkëprodhim i shtëpisë teatrale “Arriaga”, festivalit “Castell de Peralada” dhe “Gran Teatre del Liceu”.
Mbrëmja përfundoi me ndarjen e tri çmimeve më të mëdha. Josep Pons u nderua në kategorinë “Regjia më e mirë muzikore”, Juan Echanove për “Regjinë më të mirë skenike” dhe Justin Way received mori çmimin për “Prodhimin më të mirë lirik” për operën “La nariz” të Shostakóvich.
Në ceremoninë e së martës gjithashtu u nderuan talentet kombëtare, me prezantimin e pesë kategorive të reja që ndajnë çmime për punën teknike dhe krijuese në teatrot spanjolle. U ndanë çmime për profesionistë të shquar, si Eduardo Bravo, i cili mori “Çmimin për ndriçimin më të mirë”, Franc Aleu për “Videokrijimin më të mirë”, Jesús Ruiz për “Kostumin më të mirë” dhe Daniel Bianco për “Skenografinë më të mirë”.
Ky tekst bazohet në raportimin e “Melomano”.
