Banorët në Spanjë po përgatiten për më shumë shira të dendur në rajonet e goditura rëndë në Valencia dhe Castellon, gjë që paraqet një rrezik të ri për përmbytje masive. Reshjet masive që goditën Spanjën këtë javë shkaktuan të paktën 158 viktima.
Zyrtarët nuk kanë bërë të ditur numrin e personave të zhdukur, por thanë se ka “shumë”, pasi bilanci tragjik u rrit me rreth 60 vdekje të tjera të enjten.
Përveç jetëve të humbura, shirat e rrëmbyeshëm sollën shkatërrime në komunitetet në lindje të Spanjës pasi përmbytjet rrënuan ndërtesat, shkatërruan ura dhe grumbulluan mbeturina në rrugë.
Makinat u lanë nëpër rrugë dhe u grumbulluan njëra mbi tjetrën në qytetin Sedavi, afër Valencias, nga përmbytjet e dendura.