Forcat ajrore të Ukrainës thonë se sulmi rus gjatë natës kishte në shënjestër kryesisht industrinë ukrainase të nxjerrjes së gazit.
Sulmi përfshinte 67 raketa, si dhe 194 dronë, thuhet në një deklaratë të forcave ajrore.
Prej tyre, 33 raketa kryqëzuese, një raketë Kh-59/69 dhe 100 dronë u rrëzuan, pretendon forca ajrore.
Për zmbrapsjen e sulmit u përdorën avionë F-16 dhe Mirage 2000. Kjo ishte hera e parë që aeroplanët francezë Mirage u përdorën pas arritjes së tyre në Ukrainë një muaj më parë, thonë forcat ajrore ukrainase, shkruan BBC, transmeton Gazeta Express.
Avionët mund të përdorin një kombinim të raketave dhe armëve në bord për të rrëzuar kërcënimet ajrore.
Objektivat mund të zbulohen nga radari në bordin e avionit. Ende nuk dihet specifikisht për atë se çfarë u shkatërrua nga avioni, por F-16 – të pilotuar nga ukrainasit – kanë qenë tashmë të suksesshëm në rrëzimin e raketave dhe dronëve, duke plotësuar mbrojtjen ekzistuese ajrore.
Avionët francezë u dorëzuan në Ukrainë muajin e kaluar dhe është hera e parë që ato përdoren për të zmbrapsur një sulm ajror në këtë mënyrë atje. F-16 kanë qenë në vend që nga gushti i kaluar, kryesisht të përfshirë në një profil misioni të quajtur Defensive Counter Air, si dhe në misione ajrore në tokë.