Eksperti i sigurisë, Agim Musliu, ka publikuar pamjet e disa serbëve të maskuar gjatë protestave në veri.
Ai ka thënë se personat e maskuar janë ish-policë të dorëhequr dhe anëtarë të strukturës “Mbrojtja Civile”.
Nacionale kishte raportuar më herët për këto grupe kriminale.
Postimi:
Struktura ilegale dhe kriminale – njerëz të maskuar në protestat në veri. Instituti OCTOPUS shpreh shqetësimin se, në mesin e protestuesve mund të ketë edhe njerëz që janë të gatshëm për akte terroriste!
Bashkëpunëtorët e Institutit OCTOPUS, kanë thënë se, protestuesit në terren janë duke u udhëhequr nga ish-policët e dorëhequr serbë të Policisë së Kosovës dhe anëtarë të strukturës kriminale “Mbrojtja Civile”.
Përgjegjës për pjesën e ish-policëve është Aleksandar Filipoviq, ndërsa përgjegjës për pjesën e të ashtuquajturës “Mbrojtja Civile” është Milun Milenkoviq “Lune”.
