Meteorologu, Mendim Rugova ka njoftuar qytetarët se paralajmërimi i Institutit Hidrometeorologjik i Kosovës për vërshime, ka qenë vetëm për mbrëmë.
“Paralajmërimi i Institutit për vërshime ishte vetëm për mbrëmë, pra orët e mesnatës”, u shpreh kështu Rugova në Kosova Today të Klan Kosovës.
Ndërsa sa i përket pranverës në vendin tonë, Rugova tha se na pret një pranverë mjaft premtuese.
“Siç duket e kemi kaluar periudhën e ftohtë me ditën që lamë pas, nga fundjava parashihen temperatura të larta, deri në 24 Gradë Celsius”.
Po ashtu vera parashihet të jetë më e thatë, paralajmëron Rugova.