Dy astronautët që kanë mbetur në Stacionin Ndërkombëtar Hapësinor që në fillim të qershorit mund të mos kthehen në tokë deri vitin tjetër. Lajmin e kanë bërë të ditur zyrtarët e NASA-s.
Agjencia Hapësinore nuk e ka vendosur ende nëse dy astronautët do t’i kthejë në tokë me anë të një anije të SpaceX apo nëse ata do të kthehen me kapsulën e Boeing Starliner e cila ka pasur probleme serioze teknike.
“Vijojmë të kemi paqartësi rreth sigurisë së kapsulës së Boeing-ut,” thanë zyrtarët e NASA-s.
Për pasojë, gjasat janë që Butch Wilmore dhe Sunita Williams të shohin nga stacioni hapësinorë teksa kapsula që i nisi të hapësirë të kthehet në Tokë pa ta.
Nëse kjo ndodh, NASA-s do t’i duhet të lërë pas dy nga katër astronautët e saj në fluturimin e radhës të Space X, i cili është planifikuar për nga fundi i shtatorit.
Vendet për Wilmore dhe Williams mbeten bosh për udhëtimin e kthimit në shkurt. Dyshja supozohej të ktheheshin në Tokë, një ose dy javë pasi u nisën për në hapësirë më 5 qershor.