Flavius Belisarius, ishte një gjeneral bizantin që jetoi gjatë shekullit të VI-të pas Krishtit. Ai është cilësuar shpesh si një nga gjeneralët më të mëdhenj të Perandorisë Bizantine. Përveç kësaj, ai qe një nga kandidatët për titullin “I Fundmi i Romakëve”, dmth individi i fundit që mishëronte vlerat më të mira të Perandorisë Romake. Historia e Belisariusit ndoshta mund të ndahet në tri pjesë – fillimet e tij modeste, ngjitja në pushtet dhe rënia.
Fillimet modeste të të riut Belisariusi
Belisarius thuhet se kishte lindur në rajonin e Ilirisë (pjesa perëndimore e Gadishullit të Ballkanit) nga prindër të varfër. Historiani Eduard Gibon në librin e tij “Historia e perëndimit dhe rënies së Perandorisë Romake”, shkruante se Belisariusi “ka lindur, dhe ndoshta është arsimuar, në mesin e fshatarëve trakas”.
Për shkak të suksesit të tij të mëvonshëm në ripushtimin e provincave afrikane për llogari të Perandorinë Bizantine, Gibon e quan Belisariusin si “Afrikanin e Romës së re” – një referencë ndaj gjeneralëve të mëdhenj të Republikës Romake, Skipion Afrikan Plakut dhe nipi të tij adoptiv, Skipion Afrikanit të Ri…
