Profesori Bozhidar Dimitrov është një historian bullgar dhe drejtor i Muzeut Historik Kombëtar të Bullgarisë. Ai në Maqedoni është i nohur si një figurë e diskutueshme që shpesh është pjesë e provokimeve të ndryshme në marrëdhëniet mes maqedonasve dhe bullgarëve. Për të nuk ka gjuhë maqedonase, sepse ajo është vetëm me shkrim një dialekt bullgar.
Dimitrov po ashtu është i njohur për pikëpamjen e tij se të gjithë popujt e Ballkanit kanë dy shtete – Kosova është e Shqipërisë, Serbia ka Republika Sërpskan, Greqia ka Qipron, ndërsa Bullgaria ka Maqedoninë.
Në një intervistë për agjencinë e lajmeve të Sofjes “Fokus” historiani ka folur për vizitën e kryeministrit Zoran Zaev në Bullgari, marrëveshjen për marrëdhënie të mira fqinjësore, dhe reagimet më pas.
Për Dimitrovin, Maqedonia dhe Bullgaria “nuk kanë shkrepur asnjë plumb të vetëm ndaj njëri-tjetrit.”
Ai thotë se “VMRO nuk ishte organizimi i Maqedonisë, por organizimi i bullgarëve në Maqedoni…”, dhe, gjithashtu, “në Maqedoni Lindore bullgarizmat janë ruajtur më tepër”, kurse në “Maqedoninë Perëndimore nuk ka maqedonas – ata janë të gjithë shqiptarë.
