Ambasadori amerikan, Jeff Hovenier ka kujtuar policin Afrim Bunjaku i cili u vra para një viti në sulmin e Banjskës.
Hovenier në një shkrim në rrjetin social “X”, ka përsëritur thirrjen dhe pritshmëritë e ShBA-së që autorët të mbahen përgjegjës.
“Sot iu bashkova Qeverisë së Kosovës dhe kolegëve diplomat për të kujtuar policin e Kosovës, Afrim Bunjaku, i cili u vra në krye të detyrës gjatë sulmit të Banjskës, sot një vit më parë. Shtetet e Bashkuara përsërisin thirrjen e tyre, dhe pritshmërinë tonë, që autorët dhe të gjithë ata që kanë qenë të përfshirë në këtë krim të tmerrshëm, të mbahen plotësisht përgjegjës.” – ka thënë ai.
Today I joined with Government of Kosovo and diplomatic colleagues to honor the memory of Kosovo Police Officer Afrim Bunjaku, who was killed in the line of duty during the Banjska attack, one year ago today. The United States reiterates its call, and it is our expectation, that… pic.twitter.com/sELzc14XOg— Ambassador Jeff Hovenier (@USAmbKosovo) September 24, 2024
Ndryshe, Hovenier dhe ambasadorë të tjerë të martën morën pjesë në homazhet te varri i Afrim Bunjaku.
Ndryshe, rreshteri Afrim Bunjaku është vrarë në orët e para të datës 24 shtator të vitit të kaluar nga grupi terrorist i kriminelit serb Milan Radoiçiq.
Derisa patrullonte fshatin Banjskë të Zveçanit, Afrim Bunjaku kishte hasur në një barrikadë, ku në urën e fshatit ishin vendosur dy kamionë.
Afrim Bunjaku së bashku me disa kolegë të tij derisa ishin ofruar të kamionët kishte ndodhur një shpërthim dhe ishin dëgjuar të shtëna në drejtim të tyre. I vrarë kishte mbetur Afrim Bunjkau, ndërsa dy policë tjerë kishin mbetur të plagosur.