Dueli i “US Open” ndërmjet Borna Gojos dhe Adrian Andrievit është përcjellur me tensione ku protagonist ishte ish-tenisti serb, Viktor Troiqki.
Sipas asaj që raportohet, Troiqki i ka kërkuar njërit prej tifozëve të ulte zërin e tij gjatë thirrjeve mbështetëse për kroatin Gojo.
Kërkesa e trajnerit serb nuk i ka pëlqyer aspak tifozit, i cili është ngritur nga vendi i tij dhe ka kërkuar një konfrontim me të.
Tifozi në fjalë është parë i tensionuar, teksa i drejtohet Troiqkit me një ton të lartë të zërit.
Ndër të tjera ai është dëgjuar të ketë thënë: “Këtu është Nju Jorku, jo Serbia jote e ndyrë”.
Është dashur ndërhyrja e të pranishmëve të tjerë për të shmangur një përplasje fizike mes të dyve.