Eksperti i sigurisë, Agim Musliu, ka thënë se situatën e sigurisë në veri të Republikës së Kosovës e cenon trinomi Putin-Vuçiqi-Radoiçiq.
Musliu ka thënë se klika e presidentit serb Vuçiq është e shkolluar nga Millosheviqi.
“Millosheviqi e kishte Arkanin, Vuçiqi ka shumë arkana – Radoiçiqin, Veselinoviqin, Velja Belivukun që i ka bluar në makinë mishit viktimat”, ka thënë Musliu për RTK.
Më tej ai ka thënë se, Kisha Serbe ka qenë promotori i luftërave në ish-Jugosllavi.
“Ajo është më e fortë se shteti i tyre”, tha ai.
Musliu, që është drejtor i Institutit “Octopus”, ka thënë se “prej themelimit të shtetit serb ka pasur një parim: vrasja e kujtdo për interesa”.
“Kanë vrarë fëmijë shqiptarësh, boshnjakësh e kroatësh; kanë vrarë edhe fëmijë serbë për t’i fajësuar shqiptarët; kanë vrarë edhe kryeministra e prijës të vetë për ta ndaluar paqen!”, ka thënë Musliu.