Reperi Rigels Rajku i njohur si Noizy ka reaguar sërish lidhur me incidentin në diskotekën e Pejës, ku u raportua se ai bashkë me shokë rrahën brutalisht Tiktokerin, Medi Iseni dhe një të afërm të tij.
Reagimi i tij vjen pasi Policia e Kosovës po kërkon për arrestimin e tij.
Ai ka deklaruar se kallëzimi penal ndaj tij është i rrejshëm, dhe që s’ka gisht në këtë rast.
Noizy është shprehur se nuk është arratisur, por që po ndjek rrugët ligjore me profesionistë të fushës për të shmangur kurthin e padrejtësisë ndaj tij.
Reperi ka konfirmuar se ka angazhuar avokat për rastin dhe se do të sqarohet e tërë situata
“Bashkë më studion e avokatisë të kontraktuar nga unë, do kontribuojmë maksimalisht për të shuar çdo dyshim që rëndon ndaj meje dhe sqaruar këtë ngjarje ku unë jam viktimë e kallëzimit të rremë dhe nuk kam asnjë lidhje”, shkroi ai në Facebook.