Presidenti rus, Vladimir Putin, ka deklaruar se Rusia po i merr seriozisht fjalët e presidentit amerikan, Donald Trump. për aneksimin e mundshëm të Grenlandës.
Duke folur në Forumin Ndërkombëtar të Arktikut në Murmansk, Putin kujtoi se plane të ngjashme u shprehën në shekullin e 19-të, por më pas Kongresi i SHBA-së kundërshtoi planet e presidentit të atëhershëm, Andrew Johnson.
“Kjo mund të befasojë dikë vetëm në shikim të parë dhe është një gabim i thellë të besosh se këto janë një lloj bisede ekstravagante të administratës së re amerikane. Asgjë e tillë”, tha Putin.
Putin planet e palës amerikane në lidhje me Grenlandën i përshkroi si “serioze”.
“Këto plane kanë rrënjë historike të kahershme dhe është e qartë se SHBA-ja do të vazhdojë të promovojë sistematikisht interesat e tyre gjeostrategjike në Arktik”, theksoi presidenti rus.