Zyrtarët ukrainas dhe evropianë kundërshtuan këtë javë disa propozime të SHBA-ve se si t’i jepet fund luftës së Rusisë në Ukrainë.
Palët kanë bërë kundër-propozime për çështje të ndryshme nga territori te sanksionet, sipas teksteve të plota të propozimeve të para nga Reuters.
Seti i propozimeve nga bisedimet midis zyrtarëve amerikanë, evropianë dhe ukrainas në Paris më 17 prill dhe në Londër më 23 prill nxorën në pah funksionimin e brendshëm të diplomacisë së ndërmjetme që po zhvillohet.
Kjo, në një kohë kur Presidenti i SHBA-ve Donald Trump kërkon një përfundim të shpejtë të luftës.
Oferta e SHBA-ve (sipas Reuters):
Armëpushim
- Armëpushim i përhershëm
- Të dyja palët angazhohen menjëherë në negociata për zbatimin teknik
Garanci Sigurie
Ukraina merr garanci të forta sigurie
- Shtetet garantuese do të jenë një grupim ad hoc i shteteve evropiane plus shteteve jo-evropiane që dëshirojnë
- Ukraina nuk do të kërkojë të bashkohet me NATO-n
- Ukraina mund të kërkojë anëtarësim në BE
Territoret
- SHBA-të japin njohje de jure të kontrollit rus të Krimesë
- SHBA-të japin njohje de facto të kontrollit rus të Luhansk-ut
- SHBA-të japin njohje de facto të pjesëve të kontrolluara nga Rusia të Zaporizhzhia-s, Donetsk-ut dhe Kherson-it
- Ukraina rifiton territorin në Oblastin e Kharkiv-it
- Ukraina rifiton kontrollin e Centralit Bërthamor të Zaporizhzhia-s përmes kontrollit dhe administrimit amerikan të centralit, me energji elektrike të shpërndarë në të dyja palët, dhe gjithashtu Digën Kakhovka
- Ukraina gëzon kalim të papenguar në lumin Dniepër dhe kontroll të Kinburn Spit
Ekonomi
- Shtetet e Bashkuara dhe Ukraina do të zbatojnë bashkëpunimin ekonomik/minerale
- Marrëveshja që Ukraina të rindërtohet plotësisht dhe të kompensohet financiarisht
- Sanksionet ndaj Rusisë që rezultojnë nga ky konflikt që nga viti 2014 do të hiqen
- Bashkëpunimi ekonomik SHBA-Rusi në energji dhe sektorë të tjerë industrialë