Studiuesi Mark Palnikaj i ftuar në Shqip nga Dritan Hila në DritareTV foli për figurën e Pjetër Bogdanit, priftit kryengritës shqiptar. Palnukaj flet për kohën kur Pjetër Bogdani solli librin e parë letrar “Çeta e profetëve” me fjalorin e Frang Bardhit dhe gramatikën e xhaxhait të vet Ndre Bogdani. Historiani tregon se si deshën ta vrisnin turqit, Bogdanin sepse nuk ishin dakord me atë që ai kishte shkruar në libër.
“Ndërsa ishte prift në Shkodër, Pjetër Bogdani shkroi “Çetën e profetëve”, librin e parë letrar në gjuhën shqipe me fjalorin e Frang Bardhit dhe gramatikën e parë dhe të humbur të xhaxhit të tij Ndre Bogdani. Pasi e mbaroi së shkruari librin “Çeta e profetëve” e çoi në Vatikan për censurë. Ata i thonë që nuk e lexojnë dot dhe kërkuan ta përkthejë sepse nuk mund ta botonin në gjuhën shqipe. U deshën 10 vjet përkthim, sepse Bogdani e bëri në dy kolona shkrimin, edhe në shqip edhe italisht që të dilnin barabartë kolonat. Pasi e mbaroi, censura e firmosi për t’u botuar. Një mik i veti në Padova ia botoi dhe ia çoi Papës. Turqit u revoltuan shumë me Bogdanin dhe kërkonin që ta vrisnin sepse nuk ishin dakord me ato që kishte shkruar si në atë libër. “Çeta e profetëve” nuk është vetëm një vepër fetare, por edhe një vepër atdhetare. Rëndësia më e madhe e këtij libri ështe sepse është vepra e parë e shkruar në gjuhën shqipe, por edhe sepse ai e ka shkruar në italisht dhe shqip. Ky është një libër që ka një rëndësi të jashtëzakonshme edhe për gjuhëtarët tanë.”, tha zoti Palnikaj në DritareTV.