Pesë persona janë qëlluar me armë zjarri në një shkollë në Suedi, njofton policia. Ngjarja ndodhi të martën në Örebro, rreth 200 km në perëndim të Stokholmit, përpara orës 13:00 me orën lokale.
Policia ende nuk ka konfirmuar gjendjen shëndetësore të të plagosurve. Banorët janë këshilluar të qëndrojnë larg zonës. Autoritetet e konsiderojnë këtë ngjarje si një përpjekje për vrasje, zjarrvënie dhe shkelje të rëndë të ligjeve për armët.
Sulmi ka ndodhur në një qendër arsimi për të rritur, e njohur si Komvux, e cila frekuentohet nga persona që nuk kanë përfunduar arsimin bazë apo të mesëm. Për arsye sigurie, nxënësit e shkollave pranë janë urdhëruar të qëndrojnë brenda ambienteve të tyre. Hetimet po vazhdojnë dhe policia nuk ka dhënë ende detaje për të dyshuarit.