Anton Andreev, ushtar rus nga regjimenti i 1009-të, ka dhënë një pasqyrë reale të ofensivës ruse në rajonin verior të Ukrainës, përkatësisht në Kharkiv.
Ai pranoi pa ngurrim se njësia e tij është shkatërruar, ku vetëm 12 ushtarë janë akoma gjallë nga 100 sa ishin në fillim.
Ata gjetën vetën nën shkëmbim zjarri të vazhdueshëm nga ukrainasit që i godisnin edhe më dronë në Vovchansk, objekti primar i Rusisë në atë rajon.
“Ata thjesht na copëtuan. Na dërgojnë nën breshërinë e plumbave të mitralozave, të sulmeve me dronë, thjesht na përdorin si mish. Komandantët vetëm bërtasin përpara dhe përpara”, tha Andreev në një video-mesazh.
Luftimet janë ndezur pranë qytetit të Kharkiv që kur trupat ruse kaluan kufirin për të hapur një front të ri më 9 maj.
Në javën e parë të ofensivës, trupat ruse kapën rreth 99 milje katrorë të territorit ukrainas – disa nga përfitimet e saj më të mëdha në 18 muaj – duke ngritur pikëpyetje serioze në lidhje me aftësinë e Kievit për të mbrojtur veten.
Por Ukraina ka qenë në gjendje të stabilizojë frontin, duke zbutur frikën e menjëhershme në perëndim se Moska mund të jetë në gjendje të rrethojë Kharkivin, qytetin e dytë më të madh të Ukrainës.
“Nuk e di nëse do të dal nga kjo apo jo, por duhet ta them këtë për të nderuar ata që vdiqën si mish këtu për shkak të disa individëve”, tha Andreev në videon e cila u publikua për herë të parë nga Astra dhe e verifikuar nga Guardian.
“Ju ecni nëpër rrugë dhe gjithçka duket se është mirë. Por më pas e gjeni veten në një masakër. Gjatë natës së parë, gjysma e kompanisë vdiq menjëherë”, tha ushtari rus.
Media shtetërore ruse dhe zyrtarë të lartë vazhdojnë të thonë se trupat e saj janë në avancim në drejtim të Kharkivit. Madje Putin ka pohuar se humbjet ruse ishin “sigurisht disa herë më pak se në anën ukrainase” dhe Kremlini gjithashtu ka bërë përpjekje të mëdha për të siguruar që llogaritë të tilla si ato të Andreev të mbahen larg opinionit.