Profesori universitar dhe analisti, Blerim Latifi ka reaguar pasi që një grup i njerëzve kanë protestuar sot në Prishtinë në përkrahje te Palestinës.
Latifi përmes një postimi në Facebook ka thënë se Palestina është me Serbinë dhe kundër shtetit të Kosovës, dhe se Palestina dhe Rusia kundër Perëndimit dhe kombit shqiptar.
“Vahabistat paskan protestu sot në Prishtinë. Shih çfarë aleancash: Palestina me Serbinë dhe kundër shtetit të Kosovës, këta me Palestinën dhe të gjithë bashkë me Rusinë kundër Perëndimit dhe kombit shqiptar.” – ka shkruar Latifi.
Ai tutje ka thënë se përfundimisht Kosova është vendi ma i lirë në botë, sepse këtu tradhtarët e interesit kombëtar nuk kanë nevojë fare as të fshihen e as të maskohen.
“Kosova, përfundimisht, është vendi ma i lirë në botë, sepse këtu tradhtarët e interesit kombëtar nuk kanë nevojë fare as të fshihen e as të maskohen, por mund të veprojnë në liri të plotë kundër interesave jetësore të vendit të tyre dhe kundër atyre që 24 vjet më parë e shpëtuan këtë vend nga gjenocidi.” – ka përfunduar Latifi.