60-vjeçari John Fisher dhe qeni i tij u sulmuan nga një tufë bletësh kur dolën për shëtitje në lagjen ku jetojnë në Arizona, SHBA. Ata u thumbuan më shumë se 250 herë.
Pamjet e kamerave të sigurisë tregojnë se 60-vjeçari, i cili është me aftësi të kufizuara dhe përdor karrocë, bie në tokë dhe zvarritet për të shmangur sa më shumë kafshimet. Siç tha Fisher mund të ketë pasur më shumë se 1000 bletë. Siç shihet në pamjet nga intervista që ka dhënë pas sulmit, ai ka marrë kafshime në të gjithë trupin dhe fytyrën. “Nuk kam përjetuar kurrë diçka të tillë në jetën time. Një pjesë e imja donte të vinte në panik dhe një pjesë donte të trembej. Por e dija nga përvojat e mia të mëparshme se aty e humbisni dhe nuk keni kontroll dhe përfundoni në më shumë rrezik”.
Në video shihet një oficer policie i cili tentoi të ndihmonte Fisherin, por zgjidhja më në fund u dha nga zjarrfikësit të cilët spërkatën bletët me ujë.
Fisher u dërgua në spital ku iu dha morfinë për dhimbje, ndërsa qeni i tij u dërgua në një spital kafshësh me më shumë se 50 kafshim.