Kryeministri i vendit, Albin Kurti po vazhdon vizitën e tij në Turqi ku është takuar dje me mërgatën shqiptare atje.
Me anë të një postimi në Facebook, Kurti falënderoi afaristët shqiptar për bisedat e këndshme dhe mikpritjen që siç theksoi ai, do ta mbaj mend përherë, përcjell Arbresh.info.
Postimi i plotë:
Çdo vizitë e jona jashtë vendit shoqërohet me njohje nga afër e shkëmbime të rëndësishme me pjesëtarë të mërgatës sonë. As në Turqi nuk mund të mungonin këto takime, aty ku mërgata jonë është e madhe dhe e suksesshme.
Gjatë dy ditëve në Stamboll, takuam afaristë shqiptarë e me prejardhje shqiptare nga sektorë të ndryshëm që veprojnë në Turqi dhe bashkëbiseduam e u shoqëruam me mërgatën në Qendrën Kulturore në Zejtinburnu.
Ata janë përfaqësimi i shtetit dhe popullit tonë në Turqi, lidhja ndërmjet dy shteteve dhe popujve dhe bartin një rol qenësor në afirmimin e vendit tonë dhe zhvillimin gjithmonë e më të madh të tij.
Ju faleminderit shumë për bisedat e këndshme dhe për mikpritjen që do ta mbajmë mend përherë.
