Një debat i ashpër për martesat mes të njëjtës gjini është zhvilluar mes Azdren Shalës nga Partia Socialdemokrate (PSD) dhe Gëzim Kelmendit të Partisë FJALA.
“Shumë i ulët qenke, shumë i ulët… Ti qenke rrugaç i ulët në kuptimin e plotë të fjalës, ti qenke i padijshëm, i pashkolluar, rrugaç i ulët me këtë fjalor bizar ”, tha Kelmendi.
Më pastaj, Shala i replikoi duke thënë se “kur nuk ka argumente, ofendon”.
“Kjo shoqëri e do Perëndimin, kjo tokë nuk e duron Sheriatin. Pikë”, vazhdoi Shala.
Më pas, Shala e pyeti Kelmendin nëse është për shtet laik, ndërsa Kelmendi refuzoi të përgjigjet.
“Kush je ti me tu përgjigj unë ty”, tha Kelmendi.
Tensioni mes tyre ka vazhduar, pasi Kelmendi i tha përsëri “i pashkolluar” Shalës.
“More ti qenke i pa edukatë, a ke kulturë, a ke shkollë more, kush të ka mësu kështu? Qenke i paftyrë”, tha Kelmendi.
Shala iu përgjigj Kelmendit duke i thënë: “Unë jam i mrekullueshëm, e ti sot i ke zënë hundët në lesh e ndihesh keq”.
Pjesë nga debati:
Shala: Po ti nuk dinë çka është shkenca.
Kelmendi: Unë nuk di çka është shkenca a?
Shala: Hajde pashë Zotin, ecë.
Kelmendi: Ecë, shko ku e ke derën. Kjo është kultura juaj e rrugaçërisë.
Shala: Shko atje ku ka deve, kjo tokë është Evropë.