Ministri i Brendshëm, Xhelal Sveçla ka bërë të ditur se shtëpitë që po rindërtohen me pronarë shqiptarë në veri të Mitrovicës janë mbuluar me parulla ekstremiste.
Sveçla tha se akterët e këtij akti do të zbulohen dhe do të vihen para drejtësisë, shkruan gazeta online Reporteri.net.
“Jemi në Mitrovicës e Veriut. Siç edhe po e shihni shtëpitë që po rindërtohen me pronarë shqiptarë janë mbuluar me parulla ekstremiste të cilat nuk kanë vend në Kosovë. Çfarëdo gjuhe e urrejtes ndëretnike, çfarëdo gjuhe që ndjellë dhunë është e dënueshme. Akterët do të zbulohen dhe do të vihen para drejtësisë. Siç e kemi thënë më herët, për Serbinë e Rusinë s’ka vend në Kosovë”, ka thënë Sveçla.
Ndërkaq, Ministri i Administrimit të Pushtetit Lokal është se Qeveria e Kosovës do t’ua garantojë qytetarëve të drejtën elementare për kthim në shtëpitë e tyre.
Ai ka paralajmëruar se sapo të kthehet në zyrë do të shpallë thirrjen e re në vlerë prej 3 milionë eurosh, e cila do të ketë në fokus ndërtimin e shtëpive të reja.
“E drejta për t’u kthyer në shtëpitë e tyre dhe për të rindërtuar shtëpi është e drejtë për secilin qytetar, është e drejtë elementare. Qeveria do ta garantojë këtë drejtë. Vitin që lamë pas kemi filluar ndërtimin e 40 shtëpive në katër komunat veriore vitin e kaluar.
Këto grafitë tregojnë që Serbia nuk është e interesuar për normalitet dhe nuk është e interesuar që të ketë orientimin evropian. Sigurisht se Kjo tregon se ku është e orientuar Serbia. Por neve si Qeveri këto nuk na trembin dhe nuk do të ndalim me ndërtimin e shtëpive për të gjithë qytetarët. Dhe sot sapo të kthehem në zyre do të fillojmë me thirrjen e re në vlerë prej 3 milionë euro e cila do të ketë në fokus ndërtimin e shtëpive për komunitetet në Kosovë.