Me nerva dhe muskuj prej çeliku, Ivy-Marie Buzinhani Brustello, edhe pse është vetëm 12 vjeçe, po thyen rekord pas rekordi në peshëngritje.
Ivy-Marie nga Montreali i Kanadasë i ka befasuar të gjithë në kampionatin Botëror të Peshëngritjes për të rinj. Ajo garon në peshën deri në 40 kilogramë, por ka arritur të ngrejë shtangën në peshën 119 kilogramë, gati 3 herë sa pesha e saj trupore.
Trajnerët e saj janë shprehur se vajza nuk ka një forcë mbi normalen dhe një vullnet të jashtëzakonshëm për t’u stërvitur. Deri tani, Ivy-Marie Buzinhani Brustello ka arritur të fitojë në disa kampionate, ndërsa bëhet kampionia më e re që ka fituar 3 medalje të arta në Kampionatin Botëror të të rinjve.
“Ivy e ka nisur me gjimnastikë që në moshën 4-vjeçare, por vetëm pas një viti trajnerët na thanë se ka forcë dhe teknikë natyrale mbi mesataren”, tregon babai i saj.