Pak ditë pasi Turqia hodhi zyrtarisht në treg makinën e saj “prodhim vendas”, Togg, Drejtori i Përgjithshëm i kompanisë, M. Gürcan Karakaş njoftoi se portofoli i aseteve dixhitale të integruara të pajisjes inteligjente, i cili është i pari i këtij lloji në botë, do të përfshijë gjithashtu një pasaportë të pajisjes inteligjente dhe një pasaportë baterie.
Kjo zgjidhje inovative, e ndërtuar nga Togg në blockchain të orientuar nga qëndrueshmëria, i lejon përdoruesit të aksesojnë menjëherë të gjitha llojet e informacionit nga historia e shërbimit të pajisjes deri te informacioni i mirëmbajtjes dhe proceset e ndryshimit.
M. Gürcan Karakaş, CEO i Togg, marka globale e teknologjisë që shërben në fushën e automobilëve në Turqi, mori pjesë në ngjarjen Avalanche Summit 2023, konferencën e blockchain të mbajtur për herë të dytë këtë vit në Barcelonë.
“Me këtë portofol që kemi zhvilluar në Avalanche, përdoruesit kanë një numër të pakufizuar skenarësh përdorimi, duke përfshirë aksesin në asetet e tyre dixhitale në lëvizje, shikimin, ruajtjen dhe transferimin e tyre në mënyrë të sigurt, duke luajtur lojëra të bazuara në blockchain në një pajisje inteligjente. Tani, për të parën herë në këtë portofol, me një pasaportë të pajisjes inteligjente. Falë kësaj pasaporte, përdoruesit do të kenë mundësi të aksesojnë të gjitha llojet e informacionit, si shkëmbimi i pjesëve të pajisjes, informacioni i shërbimit, proceset në zinxhirin e furnizimit, në mënyrë të besueshme dhe të lehtë, e gjitha nëpërmjet blockchain”, thotë Karakaş.