Për shumë futbollistë me emër, gjithçka ka të bëjë me shtëpitë luksoze, makinat e shtrenjta dhe rrjetet sociale, por kjo nuk vlen për heroin më të madh të Manchester Cityt, Rodrin.
Rodrigo Hernandez, i njohur si Rodri, është imponuar si heroi i Manchester Cityt për të disatën herë kur pjesa tjetër e skuadrës nuk po shkon mirë në fushë. Këtë e bëri në Ligën Premier, dhe tani ka çuar gjithçka në një nivel më të lartë, pasi goli i tij vendosi finalen e Ligës së Kampionëve u solli Qytetarëve trofeun më të madh në historinë e klubit.
Por ajo që e ndan Rodrijn nga të gjithë kolegët e tij në botën e futbollit është modestia e tij. Këtë e ka treguar pas finales së Ligës sëKampionëve, ku nuk ka dashur komplimente, duke ka thënë se nuk ka luajtur në nivelin e dëshiruar.
Historia e mesfushorit të madh spanjoll është e njohur prej kohësh. Ai është lojtari më modest sot, të cilit nuk i interesojnë rrjetet sociale, nuk i pëlqen të shpenzojë para për gjëra luksi, edhe pse sipas kontratës me Manchester Cityn mund të përballojë shumë më tepër se futbollistët e tjerë.
Ndërkohë që po vazhdonte pandemia e coronavirusit, fokusi i tij ishte vetëm zhvillimi i karrierës së tij futbollistike, por edhe arsimimi, ndaj iu përkushtua diplomimit në Fakultetin e Administrimit dhe Menaxhimit të Biznesit.
Për momentet ai fiton 150 mijë euro në javë sipas kontratës së tij, por Rodri jetonte ende në një dhomë studentore. Në të njëjtën kohë, ai ishte i fokusuar në arsimim dhe nuk donte të blinte apartament apo shtëpi.
“Njerëzit u tronditën kur panë Rodri, i cili luante në La Liga të Spanjës, por ende jetonte në rezidencën e universitetit. Ai ishte gjithmonë ‘normal’. Ai ndante hapësirën dhe kohën me të gjithë dhe pëlqente të kalonte kohë me miqtë e tij, edhe pse ishte një yll futbolli”, kishte thënë më parë për Marca miku i tij Valentin Henarejo.