Në orët e fundit, shqetësimi midis udhëheqësve të Hamasit është rritur për fatin e Yahya Sinwar, kreut politik të organizatës në Gaza dhe krijuesi i sulmeve të 7 tetorit në Izraelin jugor.
Sipas burimeve të italianes “Repubblica”, Sinwarit i është ndërprerë kontakti prej gati dy javësh dhe aktualisht figuron si i zhdukur.
Fati i tij aktualisht nuk dihet.
Burimet egjiptiane vlerësojnë se Yahya Sinwar u vra ose u bllokua për vdekje në një nga tunelet ku ai ishte fshehur për katër muajt e fundit.
Mediat kombëtare, si “Jerusalem Post” dhe “Times of Israel”, thonë se delegacioni izraelit i ngarkuar për negocimin e armëpushimit me Hamasin në Kajro është kthyer në shtëpi, duke lënë disa zyrtarë të rangut më të ulët në Egjipt.
“Tri ditët” e bisedimeve duhet të vazhdojnë sot me diskutime mes përfaqësuesve të Hamasit dhe krerëve të shërbimeve të Katarit dhe Egjiptit.
Dita e parë e takimeve u vlerësua “pozitive” nga mediat egjiptiane. Në negociata marrin pjesë vetë Egjipti, Shtetet e Bashkuara, Izraeli dhe Katari, të cilit i janë besuar kërkesat e Hamasit.
Joe Biden i tha kryeministrit izraelit, Benjamin Netanyahu se sipas një marrëveshjeje të re, Izraeli ka të ngjarë të lirojë më shumë të burgosur palestinezë për çdo peng të liruar se sa sipas marrëveshjeve të mëparshme.
Apel i ri i OKB-së për Izraelin që të ndalojë ofensivën ushtarake në Rafah: Kjo mund të çojë në një masakër, deklaron koordinatori humanitar i Kombeve të Bashkuara Martin Griffiths, “qeveria izraelite nuk mund t’i injorojë më këto thirrje”.