Të paktën 11 besimtarë janë vrarë dhe dhjetëra të tjerë janë plagosur pasi një burrë sulmoi një xhami në shtetin verior Kano të Nigerisë.
Një burrë dyshohet se spërkati xhaminë me benzinë dhe mbylli dyert e saj para se t’i vinte flakën, duke bllokuar rreth 40 besimtarë, shkruajnë mediat e huaja.
Sulmi u shkaktua nga një mosmarrëveshje familjare për ndarjen e trashëgimisë.
Policia thotë se ka arrestuar një të dyshuar 38-vjeçar.
Incidenti ndodhi kur njerëzit po ndiqnin lutjet e mëngjesit të mërkurën në zonën Gezawa të shtetit Kano.
NEMA ASSESS MOSQUE EXPLOISION ATTACK IN GEZAWA LGA, KANO STATE
— NEMA Nigeria (@nemanigeria) May 16, 2024
On May 15, 2024, the NEMA Kano Territorial Office received an information on exploision that occured at a mosque in Larabar Abasawa Community, Gezawa Local Government Area, Kano State. pic.twitter.com/itJlq6n3zr
Banorët thanë se flakët përfshinë xhaminë pas sulmit me besimtarët që përpiqeshin të hapnin dyert e mbyllura.
Pasi dëgjuan shpërthimin, fqinjët nxituan për të ndihmuar të bllokuarit brenda, raportuan mediat lokale.
Ekipet e shpëtimit duke përfshirë ekspertë të bombave nga Kano u vendosën menjëherë në përgjigje të sulmit, tha një deklaratë e policisë.
Shërbimi i Zjarrfikësve në Kano theksoi se nuk u thirrën menjëherë, duke shtuar se mund ta kishin vënë situatën nën kontroll shumë më shpejt.
Policia tha se i dyshuari rrëfeu se veprimet e tij ishin pjesë e një mosmarrëveshjeje mbi trashëgiminë, duke pretenduar se ai kishte në shënjestër disa anëtarë të familjes që ishin brenda xhamisë.